ਕੇਂਦਰ ਸਰਕਾਰ ਨੇ ਲਿਆ ਵੱਡਾ ਫੈਸਲਾ-15 ਅਗਸਤ ਤੋਂ ਲੋਕ ਨਹੀਂ ਕਰ ਸਕਣਗੇ ਇਹ ਕੰਮ

ਜੀਐੱਸਟੀ ਨੈੱਟਵਰਕ (GSTN) ਨੇ ਕਿਹਾ ਹੈ ਕਿ ਜਿਹੜੇ ਕਰਦਾਤਿਆਂ (Taxpayers) ਨੇ ਜੂਨ 2021 ਤਕ ਦੋ ਮਹੀਨੇ ਜਾਂ ਜੂਨ 2021 ਤਿਮਾਹੀ ਤਕ ਜੀਐੱਸਟੀ ਰਿਟਰਨ (GST Return) ਦਾਖ਼ਲ ਨਹੀਂ ਕੀਤੀ ਹੈ, ਉਹ 15 ਅਗਸਤ ਤੋਂ ਈ-ਵੇਅ ਬਿਲ (e-Way Bill) ਜਨਰੇਟ ਨਹੀਂ ਕਰ ਸਕਣਗੇ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਅਗਸਤ ‘ਚ ਗੁਡਜ਼ ਐਂਡ ਸਰਵਿਸਿਜ਼ ਟੈਕਸ (GST) ਕੁਲੈਕਸ਼ਨ ਵਧਾਉਣ ‘ਚ ਮਦਦ ਮਿਲੇਗੀ ਕਿਉਂਕਿ ਲੰਬਿਤ ਜੀਐੱਸਟੀ ਰਿਟਰਨ ਦਾਖ਼ਲ ਹੋਣ ਦੀ ਉਮੀਦ ਹੈ। ਪਿਛਲੇ ਸਾਲ ਕੇਂਦਰੀ ਅਪ੍ਰਤੱਖ ਕਰ ਅਤੇ ਕਸਟਮ ਡਿਊਟੀ ਬੋਰਡ (CBIC) ਨੇ ਕੋਵਿਡ ਮਹਾਮਾਰੀ ਦੌਰਾਨ ਨਿਯਮਾਂ ‘ਚ ਰਾਹਤ ਦਿੰਦੇ ਹੋਏ ਰਿਟਰਨ ਦਾਖ਼ਲ ਨਾ ਕਰਨ ਵਾਲਿਆਂ ਲਈ ਈ-ਵੇਅ ਬਿੱਲ ਜਨਰੇਟ ‘ਤੇ ਰੋਕ ਨੂੰ ਮੁਲਤਵੀ ਕਰ ਦਿੱਤਾ ਸੀ।

ਜੁਲਾਈ ਮਹੀਨੇ ਸਰਕਾਰੀ ਖਜ਼ਾਨੇ ‘ਚ ਜੀਐੱਸਟੀ ਤੋਂ 1,16,393 ਕਰੋੜ ਆਏ। ਜੁਲਾਈ 2020 ਦੇ ਮੁਕਾਬਲੇ ਇਸ ਵਿਚ 33 ਫ਼ੀਸਦ ਤੇਜ਼ੀ ਆਈ ਹੈ। ਜੁਲਾਈ 2020 ‘ਚ ਜੀਐੱਸਟੀ ਕੁਲੈਕਸ਼ਨ 87,422 ਕਰੋੜ ਰਹੀ ਸੀ। ਇਸ ਵਿਚ CGST 16,147 ਕਰੋੜ, SGST 21,418 ਕਰੋੜ ਤੇ IGST 42,592 ਕਰੋੜ ਸੀ।

EWB portal ‘ਤੇ 15 ਅਗਸਤ ਤੋਂ ਮੁੜ ਸ਼ੁਰੂ ਹੋਵੇਗੀ ਸਰਵਿਸ – ਜੀਐੱਸਟੀਐੱਨ ਨੇ ਕਰਦਾਤਿਆਂ ਨੂੰ ਕਿਹਾ, ਸਰਕਾਰ ਨੇ ਹੁਣ ਸਾਰੇ ਕਰਦਾਤਿਆਂ ਲਈ ਈਡਬਲਯੂਬੀ ਪੋਰਟਲ (EWB Portal) ‘ਤੇ ਈ-ਵੇਅ ਬਿੱਲ ਜਨਰੇਟ ਕਰਨ ‘ਤੇ ਰੋਕ ਨੂੰ 15 ਅਗਸਤ ਤੋਂ ਮੁੜ ਬਹਾਲ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਇਸ ਤਰ੍ਹਾਂ 15 ਅਗਸਤ 2021 ਤੋਂ ਬਾਅਦ ਸਿਸਟਮ ਦਾਖ਼ਲ ਕੀਤੀਆਂ ਗਈਆਂ ਰਿਟਰਨ ਦੀ ਜਾਂਚ ਕਰੇਗਾ ਤੇ ਜ਼ਰੂਰੀ ਹੋਣ ‘ਤੇ ਈ-ਵੇਅ ਬਿੱਲ ਜਨਰੇਟ ਕਰਨ ‘ਤੇ ਰੋਕ ਲਗਾਏਗਾ।

ਜੁਲਾਈ ‘ਚ ਈ-ਵੇਅ ਬਿੱਲ ਦਾ ਬਣਿਆ ਰਿਕਾਰਡ – ਗੁਡਜ਼ ਐਂਡ ਸਰਵਿਸਿਜ਼ ਟੈਕਸ (GST) ਕੁਲੈਕਸ਼ਨ ਤੋਂ ਬਾਅਦ ਜੀਐੱਸਟੀ ਤਹਿਤ ਜਾਰੀ ਹੋਣ ਵਾਲੇ ਈ-ਵੇਅ ਬਿੱਲ (E-way Bills) ਨੇ ਵੀ ਰਿਕਾਰਡ ਬਣਾਇਆ ਹੈ। ਜੁਲਾਈ ‘ਚ 6.4 ਕਰੋੜ ਈ-ਵੇਅ ਬਿੱਲ ਜਨਰੇਟ ਹੋਇਆ ਹੈ ਜੋ ਅਪ੍ਰੈਲ ਤੋਂ ਬਾਅਦ ਦੂਸਰਾ ਸਭ ਤੋਂ ਜ਼ਿਆਦਾ ਹੈ। ਅਪ੍ਰੈਲ ‘ਚ ਰਿਕਾਰਡ 7.12 ਕਰੋੜ ਈ-ਵੇਅ ਬਿੱਲ ਜਨਰੇਟ ਹੋਇਆ ਸੀ।

5 ਕਰੋੜ ਤੋਂ ਜ਼ਿਆਦਾ ਦੇ ਕਾਰੋਬਾਰੀਆਂ ਨੂੰ ਰਾਹਤ – ਹੁਣ 5 ਕਰੋੜ ਰੁਪਏ ਤੋਂ ਜ਼ਿਆਦਾ ਦੇ ਕਾਰੋਬਾਰ ਵਾਲੇ GST ਕਰਦਾਤੇ ਆਪਣੀ ਸਾਲਾਨਾ ਰਿਟਰਨ ਨੂੰ ਖ਼ੁਦ ਸਰਟੀਫਾਈ (Self Certify) ਕਰ ਸਕਣਗੇ ਅਤੇ ਉਨ੍ਹਾਂ ਨੂੰ ਇਸ ਦਾ ਚਾਰਟਰਡ ਅਕਾਊਂਟੈਂਟ ਤੋਂ ਲਾਜ਼ਮੀ ਆਡਿਟ ਸਰਟੀਫਿਕੇਸ਼ਨ ਕਰਵਾਉਣ ਦੀ ਲੋੜ ਨਹੀਂ ਪਵੇਗੀ।

Leave a Reply

Your email address will not be published. Required fields are marked *